"Ninba hablaha inantu ka calmaduu, Xuralceyntii adduunka ku sheegayee
√"Amranse ruux aan aqoonin, Baa yiraaha odhaahda qaarkeede
√"Waa geenyo Ilwaadiyo nuuriyo, Qurux eebe udhameeyeye
√"Waa haldhaa ruuxi arkaa, Indhaha ka laabi karayne
√"Waa indhodeeroley udugiyo ubaxa, Ka udgoon badane
√"Waa boqorad edaabiyo dhaqaniyo, Asluub wacane
√"Waa maan deeqa Akhlaaq suuban, Illaah sad usiiyeye
√"Waa darmaan aqooniyo cilmiyo, Diin lagu so ababiyeye
"Waa dahabo aabiyo hooyadii dhashay, Abid loo duceyaaye
√"Barbaartiyo hablaha imika kacay, kala aayo fiicane
"Waa cawiyo ayaan roon, Aynigeed laga xushaaye
√"Waa raaliyo ubadiyo reeriyo, Nafta lagu amaani karaye
"Agteeda dhib eebe ha ka dheereye, Mid la igu dheehay weeyaan
"Eebahay ha xafidee unugyada jidhkayga, Mid ku abuuran weeyaan
"Eebahay ha ciseeye axdigiyo balanta, Mid ku adkag weeyaan
"Afka jacayl laga ma sheegte oonka xubiga, Mid ila qabta weeyaane
√"Illaah ha isku kayo calfee Adduunka, taan ugu jecelahay weeyaane
WT: Maanmaal Buureed Gurxan
No comments:
Post a Comment