JACBUR -- MAANMAAL

¤Jacburka abwaankii iga jafaajugsan baa, Soohi karaye

¤Aniguse Gabay calaashan oo raqdan baan, soo laadayaaye

¤Suugaan cajiinkaa ka badan baan, soo qubayaaye

¤Halabuurkii lugo sigaara ku taagan, Wuu jiidhayaaye

¤Bal ha ku gubanina kaygu waa dambasiyo, Bisbaas hungmaye

¤Bilcaan qurrux la jidhidhiconaysa oo, Cududuhu gaamurmeyn

¤Oo bilicdeedu buniyo dhuxul la isku qooshay, ka nuur badan tahay

¤Oo Talaabadiyo xarago socodka sidii, Jeer ulaafyoonaysa

¤Doobkii jaaheeda mar arkaa waa inuu, Caashaq la kurboodaaye

¤Ciyaal xaafadkii mar bartaa waa inuu, Cadey ula baxaaye

¤Afarta intaan soo malmalay, Ma idiin muufeeyey

¤Rag baa jacburka tabceeye sidii, Dhoodaan ma udubtay dheh

¤Gabayga lama soo muqeeye, Maraqiisa ma idiin culay

¤Balan afar kale sidii aar  shaarbo waaweyn, Ugu dhaantaayo

¤Reer xamarku jacayl gamaayoonayey, La jiboodane

¤Xiisiyo xubi aan xabadka jirin bey, La xadreeyaane

¤La,aanta ma noolan karaayina way ba, Ku heesaane

¤Dhaaciluhu Shaxaarigii hindi matali karayey, Abidkood uqiiroodaane

¤Qawdhan sidii qoodh u soo qabdhamaya wey, Ka dalandoolane

¤Bal maxaa reer waqooyiga xabibtiyo macaanta xiimaysa, Ka xarimay?

¤Iyaguba afmiishaara wey sidataan, Dacariyo malab tufaye

¤Afartaa jacaylada marin habaabay, Jalaafooyinkoodi dheh

¤Caashaq digashiyo dabin badan, Qiiro jabaantiise dheh

¤Ina xareed indho birtu samayn jiriyo, Xishood badnaantiisi dheh

¤Murtiyo suugaantaan daadin jiray, Miidiyo mucdeedii dheh

¤Jacburkuu maanmaal jeebayn jiriyo, dhinbilihiise dheh

¤Maskax baan la haynine midkuu, Dhoodaan Calaashan jiray dheh

WT: Maanmaal Buureed Gurxan