JACBUR---MAANMAAL(07/11/2012)

¤Inanyahay adinlaynaysa jacaylkaagu, Waaa afar bahoode

¤Mar waa arweeliyo, Kii odey biiqaye

¤Mar waa aar qoyey iyo jiir, Alalamtoodiiye

¤Mar waa atooriyo dawco, Aroosiyo alalagtoodiiye

¤Marna waa orgiyo saayo, Ardaa ka mushxaradayee

¤Inanyahay inkaaraha jacaylkaagu Waa xamaarato, Amuurahodiye

¤Anigu waa aqaana Abeeso niikinaysa, Irgifsanaanteede

¤Haday indhaha soo fagiigto, Afkaygaan ka albaabtaaye

¤Ileen iyadaa jecel amuur amadhsaniyo, Xoor udgoone

¤Ileen iyada abowe iyo  tidhaahda, Uurgaslow ina aabow'e

¤Ileen iyadaa ajakis iyo taqaan, Aflaamta kuuskuusane

¤Ninkii jacayl asqeeya taahiyo, Ilaaq laga ma waaaye

¤Aniguna gediisi baan ahayoo maaliniyo, aleyl waa orinayaaye

¤Nimanyahow inantaas akaakuban, Waan idiin irkanayaaye

¤Iyadaa dacariyo gadhuudh la fuudo , Iga la macaane

¤Qurruxdeedu waa jeer aguumano, Ilwaadiyo udgoon badane

¤Ninkii maalin arkaa baan, Abid ka hadhayne

¤Internetkana haday gasho waa, Deero alalaahay lehe

¤Wejibuugana sidii adhi oon ku raagay, Bey u ilaaqdaaye

¤Ubbiyo ashuun subag ka buuxana, Ilbidhiqsi bey ku lacdaaye

¤Uubkana way ruxdaa sidii, Qudhaanjo ururtaye

¤Albaabka buufiska way garaacda, Amintii la joogaaye

¤Awr ameerikaano silis sitana way, U alwataaye

¤Majaafada afardilaynaysa ninkii helaa, Waa inuu jilaabtaaye

¤Sidii bisad unug rifaysaye waa, Inuu u iimaansadaaye

¤Dabadeed daar aboor dhistay, Waa inuu la degaaye

WT:Maanmaal Buureed Gurxan
---------07/11/2012----------