TACLIINIYO TALO ABWAAN

❀Maandhayaalow tookhiyo faanka waa lagu tasawbaaye
❀Tuurtuur murtidu kuma fiicniyo, Macno la'aan loo tirshaaye

❀Haddaan target loo yeelina naftay, Jar ka tuurtaaye
❀U toosa hawraar dhafan baan, soo tebinayaaye

❀Muran ninka ku taagsanaya waa, Jahil tafaafulane
❀Waqtigu waa saacado taraarayoo, Ku tiimbanayne
❀Sekenkii tamashliyo kugu dhaafa, Tumashiyo ciyaar
❀Amin tawaftay weeye iyo tu aan soo laabanayne
❀Qofba intu taaganta ka tabcaduu, Talaabsan doonaye
❀Dhegihii tawakalku hanuuniyaa, Waano ku tibixdaaye
❀Ku taama waqtigu waa mid tagayoo, Ku tudhaynine.......

❀Afartaa ta gabay, tusmiyo talo abwaan dhe
❀Xikmadiyo Murti toolmoonoo, Taabogashay dhe
❀Teelteeka iguma baxdee balaan, Afar kale ku tiiqtiiqsado

❀Ma tukade toosantiyo ma qaado, Tuu tawakalku faraye
❀Ma tashade tayiisamo ma yeesho, Taniyo waa hore
❀Ma tabcade taajiriyo ma noqdo, Ruux tiisa ku filane
❀Ma tashiilste tuugmiyo kama baxo, Baahi taagan ahe
❀Afartaasiba tayo ma yeeshaan iyo, Kaan tacliin barane
❀Ku taama tacliintiyo aqoontu waa, Tiirkii nololeede........

❀Tifrin shinkeed galay buu, Todobku hooraaye
❀Hadba sidii loo turunturadaa, Loo tukubaaye
❀Tagto wixii ka tagay tiigsiyo male, Toogsiyo tilmaane
❀Taaganta taad taabkeeda haysaa, Loo tabaabushaystaye
❀Maskaxdii cilmi taransataa, Tabiyo xeelad keenta-e
❀Ku taama tacliintiyo aqoontu Waa Tiirka nololeede.....

❀Tiriyo tibxayal qaaran hadii masalo, Lagu tidco
❀Oo halxiraale taraaraya taniyo cidhib lagu taasho
❀Koley tiriliyan noqoto amase Bilyan turaabtaasa
❀Ruuxii tacliinle baa furfura oo, Tibaaxa tay tahaye
❀Inuu jaahil taabi karaynin, Muran kama taagne
❀Ku taama tacliintiyo aqoontu waa, Tiirka nololeed....

❀Turubiyo khamaar ruuxa taabacaye, Tuko laga waayey
❀Taqwo-seeg inuu yahay muran, Kama taagne-e

❀Foodadiyo xijaab gabadha tuurtaye, Tafaha qaawisay
❀Ee kabo taako ka dheer xidhataye, Taytay u talaabsatey
❀Ee taburajka uban baxdaye Xumaha gacan togleysey
❀Ee tastuurka diintiyo tixgalinaynin Dhaqankeena
❀Tayoguur inaan loo xulan doonin, Muran kama taagne
❀Tacliiniyo aqoon ruuxa ka tagaye, Shaqo lagu tuhmanaynin

❀Timaadada inuu tuugsan doono, Muran kama taagne
❀Ku taama tacliintiyo aqoontu Waa Tiirka nololeede.......

WT: Eco Maanmaal Buureed Gurxan